“სიმინდის კუნძულმა” ტრიესტის საერთაშორისო კინო-ფესტივალის მთავარი ჯილდო მოიპოვა. გიორგი ოვაშვილის ნამუშევარი პრესტიჟული იტალიური ფესტივალის სრულმეტრაჟიანი მხატვრული ფილმების საკონკურსო სექციაში მონაწილეობდა. ფილმის მორიგ გამარჯვებას ავტორიტეტული ამერიკული გამოცემა “The Hollywood Reporter”-ი ეხმაურება: “ტრიესტის კინო-ფესტივალი ოთხშაბათს საღამოს, გიორგი ოვაშვილის “სიმინდის კუნძულის” დაჯილდოებით დასრულდა… ფილმი მოგვითხრობს ორი უცნაური ფერმერის – ბაბუასა და შვილიშვილის შესახებ, რომლებიც კონფლიქტის ზონაში მიწას ამუშავებენ. ოვაშვილმა კუნძული, სპეციალურად გადაღებებისთვის, ნულიდან შექმნა… ამ თითქმის უსიტყვო დრამაში, მარტივი ინგრედიენტებით, სიკვდილისა და სიცოცხლის არაკია ჩაქსოვილი”.     ავტორი: საქართველოს კინემატოგრაფიის ეროვნული ცენტრი