მსოფლიოში უმსხვილესი სოციალური ქსელის, Facebook-ის წმინდა მოგებამ 2014 წელს $2.94 მლრდ შეადგინა, რაც 96%-ით მეტია 2013 წლის შედეგზე. ამასთან, მეოთხე კვარტალის მოგება $701 მლნ იყო და ეს 34%-ით მეტია, ვიდრე 2013 წლის ანალოგიურ კვარტალში. Facebook-მა განაცხადა, რომ შემოსავლები, მობილური რეკლამის გაყიდვების ხარჯზე ეზრდება. გასულ წელს სწორედ ამ სეგმენტმა მოუტანა ცუკერბერგის კომპანიას საერთო სარეკლამო შემოსავლების ორი მესამედი. სოციალურმა ქსელმა, თვეში 1.39 მლრდ აქტიური მომხმარებელი დაითვალა და განაცხადა, რომ 1 წელიწადში მომხმარებელთა რაოდენობა 13%-ით გაეზარდა.