ინგრედიენტები: ფქვილი 4.5-5 ჭიქა თბილი წყალი 1.5 ჭიქა შაქარი 1 ს.კ რძე 1/2 ჭიქა მარილი 2 ს.კ საფუარი 1 ს.კ გამდნარი კარაქი ზღვის მარილი, მსხვილი სოდა 5 ს.კ მომზადების წესი: თბილ წყალში გახსენით საფუარი. ცალკე ჯამში ერთმანეთს შეურიეთ ფქვილი, მარილი, შაქარი. ჩაასხით საფუვრიანი წყალი და თბილი რძე. მოზილეთ ცომი და დადგით სითბოში ასაფუებლად. გაფუებული ცომი გაყავით 10 ნაწილად. თითოეულ მათგანს მიეცით გრძელი თოკის ფორმა, ხელის გულებით აგორავეთ მაგიდაზე. შემდეგ კი პრეტცელის ფორმა მიეცით. დაალაგეთ ღუმელის ტაფაზე, როემლსაც წინასწარ პერგამენტს დააფენთ და 15 წუთი ადროვეთ. ღუმელი გაახურეთ მაქსიმუმზე. დიდ ქვაბში აადუღეთ წყალი, დაამატეთ სოდა. პრეტცელები სათითაოდ ჩაუშვით მდუღარე წყალში 30-40 წამით, ამოიღეთ და გადაიტანეთ ისევ ტაფაზე, გადაუსვით გამდნარი კარაქი, მოაყარეთ მსხვილი მარილი. შედგით ღუმელში გამოსაცხობად 10 წუთით, სანამ არ დაიბრაწება. გამომცხვარ პრეტცელებს შეგიძლიათ კვლავ გადაუსვათ კარაქი.