პარიზში ჩარლი ჩაპლინის პირველი „ოსკარი“ მოიპარეს. როგორც გაზეთი Le Parisien იტყობინება, ქურდის ვინაობა ჯერჯერობით უცნობია. ქანდაკების ღირებულება, ექსპერტების შეფასებით, დაახლოებით ერთ მილიონ ევროს შეადგენს. ეს ჯილდო ჩაპლინის ასოციაციის (Chaplin Association) პარიზის ოფიცში ინახებოდა.

როგორც გამომცემლობა აღნიშნავს, დაიკარგა ასევე ჩაპლინის კალმები, რომელთაგან თითოეული დაახლოებით 80 ათას ევროდ ფასდება. პოლიციაში ასკვნიან, რომ მძარცველები ნივთების ღირებულებაში კარგად იყვნენ გათვიცნობიერებულნი, რადგან ოფისში სხვა ყველაფერი ხელუხლებელი დარჩა. რა თქმა უნდა, მიმდინარეობს ამ შემთხვევის გამოძიება.

ჩარლი ჩაპლინმა „ოსკარის“ პრემია ორჯერ – 1929 და 1972 წლებში მიიღო. ორივე ჯილდო მას კონკურსის გარეშე, კინემატოგრაფიის განვითარებაში წვლილის შეტანისთვის ხვდა წილად.