საქართველოში დაიწყო ლიტერატურული კონკურსი, რომელსაც ქ. თბილისის მეექვსე საავტორო სკოლა აცხადებს ნომინაციებში: პოეზია, პროზა, თარგმანი. პაკო ამირან სვიმონიშვილის სახელობის საყმაწვილო ლიტერატურული პრემიაზე  ა მ ი რ ა ნ ი  წარსადგენად. კონკურსში მონაწილეობის მიღება შეუძლიათ შემოქმედებითი ნიჭით დაჯილდოებულ,ზოგადსაგანმანათლებლო სკოლების VII- XII კლასის მოსწავლეებს. იდეის ავტორია საზოგადო მოღვაწე,პოეტი და მთარგმნელი ამირან სვიმონიშვილი, რომლის სახელსაც ატარებს კონკურსი. ამ დღეებში პროექტის ხელმძღვანელი ქ-ნი მაია გოგოლაძე და პროექტის მენეჯერი ბ-ნი მერაბ ჩუხუა, დასავლეთ საქართველოს ეწვივნენ და საგანმანათლებლო-რესურს ცენტრების ხელმძღვანელებს კონკურსის იდეა, მიზანი და პირობები გააცნეს. ზუგდიდში ყოფნისას, კონურსის ორგანიზატორები რადიო „ათინათსაც“ ესტუმრნენ. მერაბ ჩუხუას თქმით, საყმაწვილო ლიტერატურული კონკურსი იმით არის განსაკუთრებული, რომ ის მონაწილისგან არ მოითხოვს საწევრო შენატანს და არც გადაადგილებას. საჭიროა, მხოლოდ „კომპიუტერი საკუთარი ძალისხმევა და ნაშრომის დაწერის შემდეგ ,მითითებულ მისამართზე, მისი ელექტრონული ფოსტით გაგზავნა“. თოთოეული კონკურსანტის ნამუშევარს მიენჭება საკუთარი კოდი, რომლის მიხედვით ჟიური, რომლშიც უცხოელი და ქართველი ლიტერატორები და მკვლევარები არიან, განიხილავს ამ ნამუშევრებს. ამასთან, თოთოეულ მონაწილეს სამივე ნომინაციაში შეუძლია მიიღოს მონაწილეობა.მერაბ ჩუხუას განმარტებით, აწ გარდაცვლილი ,იდეის ავტორის,  ამირან სვიმონიშვლის სურვილიც სწორედ ის იყო, რომ მოსწავლეებს ისეთივე ასპარეზი ჰქონოდათ საკუთარი ნიჭის გამოსავლენად, როგორც სხვა ასაკში გადასულ ახალგაზრდებს. მერაბ ჩუხუამ აღნიშნა, რომ ეს არის პირველი შემთხვევა, როდესაც საქართველოს 67 მუნიციპალიტეტის ყველა საჯარო და კერძო სკოლის მოსწავლეების გარდა, კონკურსში მონაწილეობის მიღება, საქართველოს მოქალაქეებს, საზღვარგარეთ მცხოვრებ ახალგაზრდებსაც შეუძლიათ.მან იმედი გამოთქვა, რომ კონკურსში აუცილებლად მიიღებენ მონაწილეობას აფხაზეთში მცხოვრები მოსწავლეები. მოსწავლეთა ნაშრომების მიღების ბოლო ვადაა 2015 წლის 31 მარტი. საკონკურსო ნამუშევრები უნდა გაიგზავნოს ელექტრონული ფოსტით მისამართზე:  This e-mail address is being protected from spambots. You need JavaScript enabled to view it გამარჯვებულების გამოვლენა და დაჯილდოება გაიმართება 2015 წლის მაისში.