რა შეიძლება აკავშირებდეთ პრინც ჰარისა და ემა უოთსონს ერთი შეხედვით? მხოლოდ დაბადების ადგილი - დიდი ბრიტანეთი. თუმცა ინგლისური მედია წერს, რომ სამეფო ოჯახის წევრი და მსახიობი ერთმანეთს ხვდებიან. გამოცემა Woman's Day-ის ცნობით, მათ უკვე მოასწრეს რამდენიმე საიდუმლო შეხვედრა. საინტერესოა რომ გაცნობის ინიციატორი ჰარი იყო, მან ემა საერთო მეგობრების წვეულებაზე დაპატიჟა, სადაც 12 სტუმარი იყო მიწვეული, რათა გოგონას თავი უხერხულად არ ეგრძნო. „ჰარის სურდა, რომ ემა შებოჭილი არ ყოფილიყო, მას უნდოდა ემასთვის დაემტკიცებინა, რომ მხიარული ადამიანია და არა მკაცრი. საერთო ჯამში ჰარი ყურებამდეა შეყვარებული და არა მხოლოდ ემას გარეგნობის გამო“, - განუცხადა ჟურნალს პრინცის გარემოცვის წყარომ. გავრცელებული ხმებით ჰარიმ ეს ნაბიჯი მხოლოდ მას შემდეგ გადადგა, რაც ემა თავის „ბოიფრენდს“ მეთიუ ჯენის დაშორდა. შეგახსენებთ, რომ იანვრის ბოლოს ჟურნალისტებმა გაავრცელეს ინფორმაცია ჰარისა და რუსი წარმოშობის გერმანელი მოდელის ანასტასია გუსევას რომანის შესახებ, თუმცა ეს ინფორმაცია ოფიციალურად არ დადასტურებულა.