არასამთავრობო ორგანიზაცია ,,საუნჯეს“ ორგანიზებით და პრეზიდენტის რწმუნებულის - გუბერნატორის ადმინისტრაციის მხარდაჭერით გაიმართა დისკუსია თემაზე -,,თანაბარი მიდგომები თანაბარი შესაძლებლობებისათვის“. შეხვედრის  მიზანია ადგილობრივი თვითმმართველობის დონეზე დევნილთა მიმართ ადგილობრივ მოსახლეობასთან თანაბარი მიდგომების დამკვიდრება, ასევე დევნილებისათვის  ბიუჯეტით გათვალისწინებული პროგრამების ხელმისაწვდომობის გაზრდა. ორგანიზაცია ,,საუნჯეს“ ხელმძღვანელმა იაგო ფასანძემ აღნიშნა,რომ  საქართველოს სხვადასხვა რეგიონებში, მათ შორის, სამეგრელოს მუნიციპალიტეტებში, დევნილთა პრობლემების  დაძლევის მიმართულებით განსხვავებული დამოკიდებულებაა, რაც უნდა გამოსწორდეს. ,,ჩვენს მუნიციპალიტეტში არსებული ყველა პროგრამა თანაბრად ხელმისწვდომია ყველასათვის, იქნება ეს დევნილი თუ ადგილობრივი“, - განაცხადა ჩხოროწყუს მუნიციპალიტეტის გამგებელმა. შეხვედრას ესწრებოდნენ სამეგრელოს მუნიციპალიტეტების  გამგებლები, მერიის და გუბერნიის წარმომადგენლები. შეხვედრაზე ნაჩვენები იქნა  სოციალური ფილმი  ,,თანაბარი  მიდგომები  თანაბარი შესაძლებლობებისათვის“, რომელიც  პროექტის ,,სინერგია - დევნილთა გაძლიერება მონაწილეობისა და თანამშრომლობის გზით" ფარგლებში გადაიღეს.  პროექტი ხორციელდება  დიდი ბრიტანეთისა და ჩრდილოეთ ირლანდიის გაერთიანებული სამეფოს საგარეო და თანამეგობრობის ოფისის მიერ, საქართველოში ბრიტანეთის საელჩოს მხარდაჭერით.