რუბრიკები
ზუგდიდის საკრებულოს წევრი - შამგონის მოსახლეობა დაპირებების შესრულებას ითხოვს (ვიდეო)
დღეს ზუგდიდის მუნიციპალიტეტის საკრებულოს სხდომაზე შამგონის მაჟორიტარმა დეპუტატმა "ქართული ოცნებიდან" ზაზა ხუბუამ სოფლის მოსახლეობის სახელით, გამგებელის მიმართ პრეტენზიები გამოთქვა. მისი თქმით, ედიშერ თოლორაია თავს არიდებს მისი სოფლის მაცხოვრებლებთან შეხვედრას და არც მიცემულ დაპირებებს ასრულებს. დღევანდელ სხდომას სოფელ შამგონის რამდენიმე მკვიდრიც ესწრებოდა.
"აქ მოსვლისას სულ გვატყუებს. როდის დამთავრდება ეს ტყუილების სერიალი. თავის კაბინეტში კაციშვილს არ ღებულობს. წელიწადნახევარია არჩეულია და მას მოსახლეობა არ იცნობს", - განაცხადა ზაზა ხუბუამ სხდომაზე.
აღნიშნული განცხადებებისა და საკრებულოს სხდომის დასრულების შემდეგ, საკრებულოს თავმჯდომარე ლაშა გოგია სოფელ შამგონის რამდენიმე მკვიდრს, ზაზა ხუბუასთან ერთად, თავის კაბინეტში შეხვდა.
შეხვედრის დასრულების შემდეგ, ზაზა ხუბუამ და მისმა თანასოფლელებმა ჟურნალისტებთან კომენტარის გაკეთება არ ისურვეს. ხუბუას არც თავის განცხადებებთან დაკავშირებით გაუკეთებია რაიმე განმარტებები. შესაბამისად, ჟურნალისტებისთვის უცნობი დარჩა, თუ რას გულისხმობდა "ქართული ოცნების" დეპუტატი "შეუსრულებელ დაპირებებში".
შეხვედრის დეტალებზე პასუხის გაცემა ასევე არ ისურვა საკრებულოს თავმჯდომარე ლაშა გოგიამ.
ზუგდიდის მუნიციპალიტეტის გამგეობის საზოგადოებასთან ურთიერთობის სამსახურის უფროსი მაია ღურწკაია ზაზა ხუბუას ბრალდებებს გაუგებარს უწოდებს.
"იმის თქმა, რომ გამგებელი ედიშერ თოლორაია მოსახლეობას არ იღებს, არის დიდი ტყუილი. გამგებელი მიღების დღეების გარდა, მოქალაქეებს ყოველდღიურ რეჟიმშიც ხვდება. რაც შეეხება, ხუბუას განცხადებებს დაპირებებთან დაკავშირებით, ჩვენთვის უცნობია კონკრეტულად რას გულისხმობდა იგი. გარდა ამისა, გამგებელს სოფელში თავისი წარმომადგენელი ჰყვას და მოსახლეობის პრეტენზიებისა თუ მოსაზრებების შესახებ მას ინფორმაცია ყოველთვის აქვს. შამგონასთან დაკავშირებით რაიმე სახის ინფორმაცია თუ წერილი გამგეობაში არ შემოსულა", - აცხადებს მაია ღურწკაია.
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
ინტერვიუ
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები