ჭკვიანი საათების ბაზრის მკვეთრ ზრდას ელოდებიან ექსპერტები მიმდინარე წელს. ბარსელონაში მიმდინარე გამოფენაზე წარმოდგენლი სიახლეები ამ ტენდენციას ადასტურებს. ჭკვიანი საათის თავისი პირველი მოდელი ამ გამოფენაზე წარმოადგინა ჩინურმა Huawei-მ, რომლის საათი საოპერაციო სისტემა Google Android-ის ბაზაზე მუშაობს. მოწყობილობას, დროის ჩვენების გარდა, შეუძლია ელექტრონული წერილების და ზარების მიღება, მფლობელის ხმის ამოცნობა და ასევე რამდენიმე სხვა ფუნქციაც აქვს. “სმარტფონებმა სრულიად შეცვალა ადამიანების ცხოვრება ბოლო წლებში - განაცხადა ჩინური კომპანიის წარმომადგენელმა. - მე ვფიქრობ, რომ სატარებელი მოწყობილობები მას კიდევ უფრო შეცვლის უახლოეს ათწლეულში, როცა ადამიანები მიეჩვევიან მათ ტარებას“. გამოკითხვები ადასტურებს, რომ მომხმარებელთა უმეტესობა, ჭკვიან საათებთან შედარებით, ჯერ კიდევ „ძველ კეთილ“ სმარტფონებს ანიჭებს უპირატესობას. მაგრამ ძალთა გადანაწილების შეცვლა შეუძლია საათების ახალი მოდელების გამოსვლას. აპრილში ბაზარი Apple-ის ჭკვიან საათსაც ელოდება.