სტივენ სპილბერგმა და HBO-მ ჯერ კიდევ გასული წლის ივლისში შეიძინეს უფლებები ბროდვეის სპექტაკლზე „All the Way”, რომელშიც მოთხრობილია აშშ-ს პრეზიდენტის ლინდონ ბეინს ჯონსონის პირველი ვადით არჩევის დეტალები, არსებითად, ის ეხება სახელმწიფოს სათავეში მისი ყოფნის პირველ წელს. HBO-სა და სპილბერგისთვის პროექტის რეალიზაციის ერთ-ერთი ძირითადი პირობა მასში ბრაიან კრენსტონის მონაწილეობა იყო. „მძიმე დანაშაულის“ ვარსკვლავი დიდი ხანი ფიქრობდა, მაგრამ, საბოლოოდ, პროექტში მონაწილეობას დასთანხმდა. ამის შემდეგ კი სტივენ სპილბერგმა, რომელიც პროექტის პროდუსერი იქნება, და ტელეარხმა რეჟისორის ძიება დაიწყეს. საბოლოოდ გადაწყდა, რომ „All the Way“-ს ჯეი როაჩი დადგმას. შეგახსენებთ, რომ „All the Way“ ბროდვეიზე კრენსტონის სადებიუტო ნამუშევარია. მან ამ სპექტაკლში მონაწილეობისთვის პრესტიჟული თეატრალური პრემიებიც მიიღო. ახლა კრენსტონს ჯონსონის განსახიერება ეკანზე მოუწევს. სურათის სცენარი ორიგინალური პიესის ავტორმა, რობერტ შენკანმა მოამზადა.