ჩეჩენი მწერალი რუსლან ზაკრიევი „ავატარის“ რეჯისორს ჯეიმს კემერონს პლაგიატში ადანაშაულებს. ის სასამართლოში ჩივილსაც აპირებს. ზაკრიევი ამტკიცებს, რომ კემერონმა „ავატარის“კინოსცენარის საფუძვლად მისი რომანი „საიდუმლო იარაღი“ გამოიყენა. მისი თქმით ნაწარმოები ერთ-ერთ ინტერნეტ-საიტზე 2002 წელს გამოქვეყნდა, ფილმი კი ეკრანებზე 2009 წელს გამოვიდა. „ერთი მილიარდი დოლარი იმ სამი მილიარდიდან, რომელიც კემერონმა გამოიმუშავა, ჩვენ უნდა მოგვცეს. მე კინოსტუდიის შექმნა და ფილმების გადაღება მსურს, ბევრი ნაწარმოები მაქვს, კინოსტუდია კი - არა“, - აღნიშნა ზაკრიევმა. მან კემერონს რამდენიმე წერილიც გაუგზავნა. მწერლის ადვოკატმა რეჟისორის საპასუხო წერილების შესწავლის შემდეგ განაცხადა, რომ სასამრთლო განხილვა შესაძლოა დიდხანს გაგრძელდეს. „კემერონმა თქვა, რომ აშშ-ში ათამდე სხვადასხვა ავტორი აცხადებს, რომ „ავატარის“ სცენარი მოპარულია და რომ ზაკრიევს რიგში ჩადგომა მოუწევს“, - განაცხადა მწერლის ადვოკატმა. „ავატარის“ პრემიერა 2009 წლის 10 დეკემბერს ლონდონში შედგა. ფილმმა საოცრად მოკლე დროში წარმოუდგენელი მოგება ნახა და მსოფლიოს ყველა დროის მაღალშემოსავლიან ფილმთა სიაში პირველი ადგილი დაიკავა.