ჯეიმი ფოქსმა, რომელიც ფილმში მთავარ როლს შეასრულებს, რადიო Power 105-თან ინტერვიუში განაცხადა. ფოქსის თქმით, პროექტმა სტუდია Paramount-სგან დაფინანსება მას შემდეგ მიიღო, რაც მან და ტაისონმა ის სტუდიის ხელმძღვანელობასთან შეხვედრაზე წარადგინეს. როგორც ფოქსმა აღნიშნა, სკორსეზე პროექტის ჩაშვებისთანავე სტუდიის პრიორიტეტული არჩევანი იყო. გადაღებების დაწყების თარიღი ჯერჯერობით უცნობია. მაიკ ტაისონი 1966 წელს დაიბადა. 1987-90 წლებში ის კრივში მძიმ წონის კატეგორიაში აბსოლუტური ჩემპიონი იყო. ტაისონმა სახელი გაითქვა სკანდალებით, როგორც რინგზე, ისე ცხოვრებაში. ის სასჯელს იხდიდა სილამაზის კონკურსის „შავკანიანი მის როდ-აილენდის“ გამარჯვებულის გაუპატიურებისათვის. 1997 წელს კი ორთაბრძოლისას უანდერ ჰოლიფილდს ყური მოაჭამა. მაიკ ტაისონმა თავისი კარიერის განმავლობაში 300 მილიონ დოლარზე მეტი გამოიმუშავა. 2003 წელ მოკრივე იძულებული გახდა თავი ბანკროტად გამოეცხადებინა. 2013 წელს მან გამოაქვეყნა ავტობიოგრაფია „აბსოლუტური სიმართლე“. რომელიც The New York Times-ის ბესტსელერების სიაში მოხვდა. ჯეიმი ფოქსი „ოსკარისა“ და ოქროს გლობუსის“ ლაურეატია ფილმში „რეი“ მომღერალ რეი ჩარლზის როლის შესრულებისთვის. ის ასევე მონაწილეობდა ფილმებში “ჯანგოს გათავისუფლება“, „ალი“, „თანამოაზრე“, „კანონმორჩილი მოქალაქე“ და სხვა. ჯეიმი ფოქსს გამოშვებული აქვს ოთხი სოლოალბომი, ის ორჯერ იყო წარდგენილი „გრემის“ პრემიაზე.