პროექტის „სექსუალური და გენდერული ძალადობის პრევენცია და რედუქცია“ ფარგლებში, რომელსაც ასოციაცია „ათინათი“ და გაეროს უმაღლესი კომისარიატი (UNHCR) ახორციელებენ, სამტრედიის მუნიციპალიტეტის საკრებულოს წევრებისთვის ტრენინგი „მამაკაცური საუბრები“ გაიმართა. გენდერული თანასწორობის პრიორიტეტებსა და ოჯახში ძალადობის პრევენციაზე ტრენერმა მიშა როგავამ ისაუბრა. შეხვედრაზე ოჯახში არსებული გენდერული როლების,დისკრიმინაციისა და ძალადობის შესახებ ანიმაციური ფილმის ჩვენებაც მოეწყო. ფილმის ჩვენების შემდეგ მამაკაცის მხრიდან ძალადობის გამომწვევი 7 პრინციპისა და პრობლემის მოგვარების გზებზე დისკუსია გაიმართა. მონაწილეებმა საინფორმაციო ბუკლეტებთან ერთად ძალადობის მსხვერპლთა დაცვისთვის არსებული სამართლებრივი ბერკეტების,სერვისებისა და ოჯახში ძალადობისგან დაცვის ცხელი ხაზის შესახებ მიიღეს ინფორმაცია. „მამაკაცური საუბრების“ ფორმატში შეხვედრები ხორციელდება სპეციალური სატრენინგო მოდულის საფუძველზე, რომელიც მიმართულია მამაკაცთა ჩართულობის გზით გენდერული ძალადობის დაძლევისა და გენდერული თანასწორობის უზრუნველყოფისათვის. ტრენინგი სამტრედიის საინფორმაციო ცენტრისა და „რეგიონული განვითარების რესურსცენტრის“ მხარდაჭერით გაიმართა.