სტუდია Walt Disney ჰოლივუდის კინოკომპანიებს შორის 2014 წელს ყველაზე შემოსავლიანი გამოდგა. ამას კვლევის შედეგები ამტიკცებს, რომელიც The Hollywood Reporter-მა გამოაქვეყნა. ისეთი ჰიტების დამსახურებით, როგორებიც არიან „გაყინული“, „დიდი გმირი 6“ და „გალაქტიკის გუშაგები“ სტუდია 1,7 მილიარდ დოლარიანი რეზულტატით რეიტინგის სათავეში მოექცა. მეორე ადგილზე კინოსტუდია 20th Century Fox გავიდა. მისმა შემოსავალმა 1,5 მილიარდი დოლარი შეადგინა. ასეთი წარმატება მას ფილმების „მაიმუნების პლანეტა: რევოლუცია“, „გაუჩინარებული გოგონა“ და „X-ადამიანები: მომავლის განვლილი დღეები“ დახმარებით ხვდა წილად. რეიტინის მესამე ხაზი გასული წლის ლიდერმა- კომპანია Warner Bros.-მა დაიკავა. მან 1,3 მილიარდი დოლარი გამოიმუშავა. მეოთხე ადგილი Universal-ს ერგო. მისი შემოსავალი გასულ წელთან შედარებით 8%-ით დაეცა, მაგრამ 2015 წელი მისთვის წარმატებული უნდა იყოს, რადგან მისი მარკით ისეთი პოტენციური ჰიტები გამოდიან, როგორებიც არიან „იურული პერიოდის სამყარო“, „ფორსაჟი 7“, „მინიონები“ და სხვა. და ბოლოს, მეხუთე და მეექვსე ადგილები სტუდია Sony-სა და Paramount-ს ერგოთ.