„მებრძოლთა კლუბის“ ავტორის ჩაკ პალანიკის ნაწარმოები „იავნანა“ დიდ ეკრანებზე გადმოინაცვლებს. როგორც The Wrap იტყობინება, მასზე უფლებები დამოუკიდებელმა კინომწარმოებლებმა ენდი მინგომ და ჯოშ ლინკმა მოიპოვეს. სიუჟეტის მიხედვით კარლ სტრეიტორი პირად გამოძიებას აწარმოებას სრულიად ჯანმრთელი ახალშობილების მოულოდნელი გარდაცვალების ფაქტებთან დაკავშირებით. საბოლოოდ ის მიდის იმ დასკვნამდე, რომ ბავშვები იმის შემდეგ კვდებიან, რაც მათ ძველ, აფრიკულ იავნანას უმღერებენ. ძიების პროცესში სტრეიტორი ეცნობა სხვა გმირებს, რომლებმაც სხვა საშიში შელოცვები იციან. ისინი გადაწყვეტენ ერთობლივი ძალებით იპოვნონ ჯადოქრობის მთავარი წიგნი, რომლიდანაც იავნანა იყო ამოწერილი. რომანი, რომელიც 2002 წელს გამოვიდა, დაფუძნებულია თავად პალანიკის ემოციებზე. ის მამამისის მკვლელის წინააღმდეგ გამართულ სასამართლო პროცესში მონაწილეობდა. მწერლის თქმით, „იავნანაზე“ მუშაობისას ის თავად ცდილობდა ეპოვნა პასუხი კითხვაზე: იმსახურებს თუ არა მკვლელი სიკვდილით დასჯას. „იავნანას“ გადაღებების გრაფიკი, ჯერჯერობით, უცნობია. სავარაუდოა, რომ ის მაყურებლის წინაშე 2016 წელს წარდგება.