Christie's-ის აუქციონზე პაბლო პიკასოს ნახატი „ალჟირელი ქალები“ გაიყიდება. როგორც Bloomberg.-ი იტყობინება, ტილო 140 მლნ დოლარადაა შეფასებული და თუ მყიდველი გამოჩნდება ის ისტორიაში ერთ-ერთი ძვირადღირებული ხელოვნების ნიმუში გახდება. ნახატი 1955 წელსაა შექმნილი. ის აუქციონზე 1997 წელსაც იყო გამოტანილი. მაშინ გასაყიდად კერძო კოლექციონერებმა ცოლ-ქმარმა ვიქტორ და სალი განცებმა წარმოადგინეს. ნახატი 31,9 მლნ დოლარდ იყო შეფასებული. განცებმა ფერწერული ტილო 1956 წელს მხატვრისგან 212,5 ათას დოლარად შეიძინეს. ნახატზე, რომელიც პიკასომ ეჟენ დელაკრუას ამავე სახელწოდების ტილოს შთაგონებით შექმნა, კურტიზანი ქალების ჯგუფია გამოსახული. 2014 წელს Christie's -მა იმპორესიონისტებისა დ მოდერნის ეპოქის ხელოვნების ნაწრმოებების გაყიდვიდან 1,2 მლრდ დოლარის შემოსავალი მიიღო. იმავე წელს ომისშემდგომი და თანამედროვე ხელოვნების ნიმუშების გაყიდვიდან კი აუქციონის სხლმა 2,8 მლრდ დოლარი მიიღო.