საქართველოს პრემიერ-მინისტრი დღეს სამეგრელოს რეგიონს სტუმრობს. ირაკლი ღარიბაშვილმა ხობში მდებარე თხილის ქარხანა დაათვალიერა. შპს “ჯორჯიან პროდაქტს რენესანსის” მიერ დაფუძნებული ქარხანა 2013 წელს აშენდა, რაშიც 300 000 აშშ დოლარის მოცულობის ქართული ინვესტიცია ჩაიდო. წარმოების განვითარების მიზნით, ქარხანამ , სოფლის მეურნეობის გადამამუშავებელი საწარმოების თანადაფინანსების პროექტის ფარგლებში, 782 000 აშშ დოლარის ოდენობის დაფინანსება მოიპოვა. საწარმომ თანამედროვე, უახლესი მოსახალი და შესაფუთი მანქანა-დანადგარები, აუცლებელი საწარმოო აღჭურვილობა და ნედლეული შეიძინა. საწარმო შპს „ჯორჯიან პროდაქტს რენესანსი“ (დირექტორი ალიკა გაბუნია), ხობის მუნიციპალიტეტში მუშაობს . მასზე გაიცა შეღავათიანი აგრო სესხი 391.166 ლარის ოდენობით. საწარმო ახორციელებს თხილის გადამუშავებას, დღეში 4 ტონის ოდენობით. ამჟამად იქ დასაქმებულია 25 ადამიანი. საწარმოს ხელმძღვანელების განმარტებით, უახლოეს მომავალში იქ 70-მდე ადამიანი დასაქმდება.  ქარხანაში იწარმოება თხილის გული, მოხალული თხილი, ბლანშირებული თხილი და ასევე, ინოვაციური თხილის პროდუქტი-მოხალული, დამარილებული თხილი ნაჭუჭით.