Facebook -ი გეგმავს, რომ თავის მესინჯერს მობილურისთვის ახალი ოპცია დაამატოს. კერძოდ ეს იქნება დაჯავშნა, ონლაინ-შეკვეთებისთვის თვალყურის დევნება და ასევე ვიდეოს გადაგზავნა. Facebook-მა განაცხადა, რომ მესინჯერს, Messenger Platform-ის საშუალებით დაახლოებით 40 აპლიკაციას დაუმატებენ, მათ შორის ელექტრონული კომერციით დაკავებულ Zulily Inc-ს და Everlane-ს. სოციალური ქსელის წარმომადგენლებმა განაცხადეს, რომ მომხმარებლებს შესთავაზებენ, რომ ონლაინ საქონელი Like-ის გაგზავნით შეიძინონ. ამ ინიციატივას ხელმძღვანელობს დევიდ მარკუსი, რომელიც Facebook -ში PayPal-დან გადავიდა. გარდა ამისა, კომპანიამ დააანონსა ვიდეოპლეერი, რომელიც მომხმარებლებს და გამომცემლებს Facebook-ში თავიანთ გვერდებზე ვიდეოს განთავსებას გაუადვილებს. სოციალურმა ქსელმა ასევე გაუშვა სერვისი, რომელიც ბიზნესებს მობილური რეკლამის ეფექტიანობის გაზომვის საშუალებას მისცემს. გარდა ამისა, Facebook-მა განაცხადა, რომ თანამშრომლობას იწყებს რამდენიმე გამომცემლობასთან, მათ შორის BuzzFeed-თან. სოციალური ქსელი, ონლაინ-კომენტარებთან მკითხველთა კომენტარებსაც განათავსებს. 2011 წელს გაშვებული Messenger-ის მომხმარებელეთა რაოდენობა ამჟამად 600 მლნ-ია. თავად Facebook-ს კი თვეში მინიმუმ ერთხელ, 1.4 მლრდ ადამიანი ნახულობს.