კინოსტუდია Walt Disney ცნობილი მულტფილმების მხატვრულ ფილმებად გადაქცევის ექსპერიმენტს აგრძელებს. როგორც The Hollywood Reporter იტყობინება, ამჯერად „მულანის“ დრო დადგა. სტუდია მას live-action ფორმატში გადაიღებს. შეგახსენებთ, რომ 1998 წლის მულტფილმში სიუჟეტი იწყობა ახალგაზრდა ქალბატონის გარშემო, რომელიც თავის კაცად წარმოჩენას გადაწყვეტს, რათა ჯარში ავადმყოფი მამის ადგილი დაიკავოს. თავისი მეგობრების დახმარებით, რომელთაგან ერთ-ერთი დრაკონია, ის გამოცდილი მეომარი და ერთ-ერთი ყველაზე ცნობილი ჩინელი გმირი ხდება. მულტფილმის მსოფლიო შემოსავალი საკმაოდ მოკრძალებული -304 მილიონი დოლარი იყო, მაგრამ ამას მისთვის „ოქროს გლობუსისა“ და „ოსკარის“ ნომინაციების მიღებაში ხელი არ შეუშლია. 2005 წელს კი DVD-ზე მისი გაგრძელება გამოვიდა. აღსანიშანვია, რომ ეს ცნობილი ზღაპრების live-action ფორმატში გადაღების პირველი მცდელობა არაა. სტუდიამ უკვე გამოუშვა „მალეფისენტი“ და „კონკია“, ხოლო უახლოეს მომავალში ფილმების „ურჩუხლი და მზეთუნახავი“ და „დამბო“ პრემიერებიც იგეგმება.