ზუგდიდში, ნგრევად ობიექტებში ე.წ. „სამზარეულოსა" და „გარაჟის“ ჩასახლებაში მცხოვრები 14 დევნილი ოჯახი,  საქართველოს ოკუპირებული ტერიტორიებიდან იძულებით გადაადგილებულ პირთა  განსახლებისა და ლტოლვილთა მინისტრმა სოზარ სუბარმა, მინისტრის მოადგილეებმა შოთა რეხვიაშვილმა, მამუკა ცოტნიაშვილმა და სამეგრელო ზემო -ზემო სვანეთის გუბერნატორმა ლევან შონიამ  ახალ დასახლებაში გადაიყვანეს. მინისტრ სოზარ სუბარის თქმით, „ დღეს ყველაზე გაჭირვებულმა ადამიანებმა მიიღეს ბინა.  ბუნებრივია, ყველას არ ეყოფა,  მაგრამ ძალიან მალე, დაახლოებით 3 კვირაში ახალი კორპუსების მშენებლობაზე ტენდერი გამოცხადდება და იქ ის დევნილები შესახლდებიან, რომლებმაც ამ ეტაპზე ბინები ვერ მიიღეს". -თქვა მინისტრმა. ზუგდიდში საცხოვრებელი ფართის მიღების მოთხოვნით , განაცხადი 4190-მა დევნილმა ოჯახმა შეავსო , საიდანაც „ დევნილთა საცხოვრებლით უზრუნველყოფის წესის შესაბამისად“, ბინა 320 ოჯახს გადაეცა .  320 ბინიდან 40-ერთოთახიანი, 160 -ოროთახიანი , 120 -სამოთახიანია. დევნილთა გრძელვადიანი განსახლების მიზნით, 10 კორპუსი გერმანიის განვითარებისა და რეკონსტრუქციის ბანკის (KFW) დაფინანსებით, მუნიციპალური განვითარების ფონდმა ააშენა. დევნილთა ახალი დასახლება ოფიციალურად  29 აპრილს გაიხსნება.