ფოთში საჯარო მოხელეთა შესარჩევი კონკურსი კიდევ ერთხელ გადაიდო. გავრცელებული ინფორმაციით, კონკურსი 14 აპრილის ნაცვლად, სავარაუდოდ ივნისში ჩატარდება.

კონკურსის ჩატარების ვადების შეცვლასთან ერთად საკონკურსო კომისიის თავჯდომარეებიც იცვლებიან.  ფოთის მუნიციპალიტეტის მერის ირაკლი კაკულიას შემდეგ აღნიშნული პოსტი მერის მოადგილემ ლევან ჩოჩიამ დაიკავა,  ჩოჩიამაც  დატოვა თავმჯდომარის თანამდებობა და მას ისევ მერის მოადგილე ნიკოლოზ გრიგოლია ასრულებს. ჩოჩია თავმჯდომარის თანამდებობის დატოვების მიზეზად ვადების გადაწევას ასახელებს. კონკურსის ჩატარების დროში გაწელვასა და თავმჯდომარეების ცვლას საკრებულოში ოპოზიციური პარტიის წევრები ხელოვნურს უწოდებენ.

 41 ვაკანსიაზე 2400-მდე განცხადებაა შესული. ერთ ადამიანს რამდენიმე ვაკანსიაზე (5 ვაკანსიაზე) შეუძლია გააკეთოს განაცხადი. ფოთელების გარდა ფოთში სამსახურის დაწყების მსურველი სხვა რეგიონებიდანაც არიან. ადგილობრივი ხელისუფლება საკითხზე ვრცელ კომენტარს არ აკეთებს.