Facebook-ის დამფუძნებელმა და ხელმძღვანელმა მარკ ცუკერბერგმა თავის გვერდზე სოციალურ ქსელში დაწერა, რომ კომპანია ახალ შტაბ-ბინაში გადავიდა, რომელიც კალიფორნიაში, მენლო-პარკში მდებარეობს. 40 ათასი კვადრატული მეტრის ფართობის ოფისი 2800 თანამშრომელზეა გათვლილი. შენობის სახურავზე კი ბაღია. ცუკერბერგმა განაცხადა, რომ მათი მთავრი ამოცანა იყო იდეალური საინჟინრო სივრცის შექმნა, რომელიც განასახიერებდა თანამეგობრობას და ურთიერთობებს, როგორც სოციალური ქსელი. „ამისათვის კი შეიქმნა მსოფლიოში ყველაზე დიდი open space-ი - ერთი ოთახი ათასი ადამიანის სამუშაოდ“, - დაწერა ცუკერბერგმა თავის პოსტში. სახურავზე კი 36 ათასი კვარდატული მეტრი ფართობის პარკია. „შენობა საკმაოდ უბრალოა. ეს განგებ გავაკეთეთ. ჩვენ გვსურდა შეგვექნმა სივრცე, რომელიც აღიქმება როგორც დაუსრულებელი. როცა შემოდიხართ ჩვენს შენობაში, უნდა შეიგრძნოთ, რამდენი გვაქვს კიდევ გასაკეთებელი ჩვენი მისიის შესასრულებლად-დავაკავშიროთ მსოფლიო“, - დაწერა ცუკერბერგმა. Facebook-ი პალო-ალტოდან მენლო-პარკში 2011 წელს გადავიდა. სოციალურმა ქსელმა იქ დაიკავა ოფისი, რომელიც ადრე კომპანია Sun Microsystems-ს ეკუთვნოდა. The Wall Street Journal-ის ინფორმაციით, Facebook-ის კამპუსის გვერდით თანამშრომლებისთვის ააშენებენ საცხოვრებელ კომპლექს ანტონ-მენლოს, 394 სახლით. იქ სახლების გარდა განთავსდება ყველა საჭირო ინფრასტრუქტურა - მაღაზიები, კაფეები, სპორტული დარბაზები და სხვა ობიექტები.