40 წლის ლეონარდო დი კაპრიომ გადაწყვიტა სამსახიობო კარიერას ბიზნესიც შეუთავსოს. ათი წლის წინ მსახიობმა ბაჰამის ერთ-ერთი კუნძული იყიდა. ახლა მასზე მსოფლიოში უმდიდრესი კურორტის აშენებას გეგმავს. სამ წელიწადში ველურ, მოუწყობელ კუნძულზე ათობით ფეშენებელური ვილა აშენდება, სანაპირო მთლიანად გაიწმინდება და დამსვენებლებისთვის მოეწყობა. კუნძული ეკოლოგიურადაც სუფთა იქნება. „ჩემი კუნძული - სამოთხეა დედამიწაზე. როდესაც პირველად დავინახე, მაშინვე გადავწყვიტე მისი შეძენა. მინდა გავაშენო სუფთა და სასარგებლო კურორტი. მე მასში არ ჩავდებდი ფულს, ბუნებისთვის სასარგებლო საქმე რომ არ გამეკეთებინა“, - განუცხადა მსახიობმა ჟურნალისტებს. ერთი ვილის მშნებლობა 5-დან 15 მლნ დოლარამდე დაჯდება. ლეონარდო თავისი პროექტის განსახორციელებლად ცნობილი არქიტექტორებისა და მშენებლების მიწვევას აპირებს. 2018 წელს ის უკვე პირველ სტუმრებს მიიღებს.