The Washington Post-ის ცნობით, სასამართლომ სამოდელო სახლის Nina Ricci მემკვიდრეს ერთწლიანი პატიმრობა მიუსაჯა. პარიზის სასამართლომ სამოდელო სახლის დამფუძნებლის ნინა რიჩის შილიშვილი, 73 წლის არლეტ რიჩი დამნაშავედ სცნო გადასახადებისათვის თავის არიდებასა და ფულის გათეთრებაში. პატიმრობის გარდა რიჩი ვალდებულია გადაიხადოს €1 მლნ ევროს ჯარიმა. გარდა ამისა, კონფისკაციას ექვემდებარება არლეტ რიჩის უძრავი ქონება, რომლის ღიებულებაც დაახლოებით, €4 მლნ ევროს შეადგენს. არლეტ რიჩის ადვოკატმა სასჯელი ზედმეტად მკაცრად მიიჩნია და აღნიშნა, რომ ბრალდებულის ცნობადობა სასამართლომ სხვა თაღლითების გასაფრთხილებლად გამოიყენა. ადვოკატი აცხადებს, რომ შეიტანს სააპელაციო საჩივარს, რომელშიც პატიმრობის უფრო მსუბუქი სასჯელით, მაგალითად ელექტრონული სამაჯურით, შეცვლას ითხოვს. გამოძიება არლეტ რიჩის გადასახადებით მას შემდეგ დაინტერესდა, რაც ბანკის HSBC შვეიცარიულ ფილიალიდან ინფორმაციის მასშტაბური გაჟონვა მოხდა და მილიონობით კლიენტის კონფიდენციალური ინფორმაცია საჯარო გახდა. როგორც გაირკვა არლეტ რიჩი ბანკის HSBC შვეიცარიულ ფილიალში დიდ თანხას ინახავდა.