ელისაბედ მეორემ დიდი ბრიტანეთის უმდიდრეს ადამიანთა სია დატოვა. რეიტინგს ყოველწლიურად გაზეთი The Sunday Times-ი ადგენს. როგორც Reuters-ი აღნიშნავს, რეიტინგში 300 შეძლებული ბრიტანელი ხვდება. წელს დედოფალმა 17 პოზიციით უკან დაახია და 302-ე ადგილზე გადაინაცვლა. ელისაბედ მეორე 1989 წლიდან უმდიდრესი ბრიტანელების რეიტინგში ყოველ წელს ხვდებოდა. დამოუკიდებელი ექსპერტები დედოფლის ქონებას 110 მლნ ფუნტად (დაახლოებით 170 მლნ დოლარი) აფასებენ. გასულ წელს ელისაბედის შემოსავალმა დაახლოებით 10 მლნ ფუნტი შეადგინა. გამოცემა აღნიშნავს, რომ შეფასებისას გათვალისწინებული არ ყოფილა ხელოვნების ნიმუშების ღირებულება, რომელიც მოიცავს რემბრანდტის, მონეს, ლანდსირისა სხვა ცნობილი ფერმწერების ნამუშევრებს. უმდიდრესი ბრიტანელების რეიტინგის ლიდერი Warner Music-ის მფლობელი ლეონიდ ბლავატნიკი გახდა. მისი ქონება 13,2 მლრდ ფუნტადაა შეფასებული (დაახლოებით 20 მლრდ დოლარი). სიაში ასევე მოხვდნენ რომან აბრამოვიჩი (7,29 მლრდ ფუნტი) და რიჩარდ ბრენსონი (4,1 მლრდ ფუნტი).