3 მაისს,  დაახლოებით 22:00 საათზე, თბილისში, 88 წლის ასაკში ცნობილი ქართველი კინორეჟისორი, მსახიობი და სცენარისტი რეზო ჩხეიძე გარდაიცვალა.

რეზო ჩხეიძე – მწერლის დავით ჩხეიძის შვილი – 1926 წლის 8 დეკემბერს ქუთაისში დაიბადა.  1943-1946 წლებში ის რუსთაველის სახელობის თეატრალურ ინსტიტუტში სწავლობდა, ხოლო შემდეგ განათლება რუსეთში გააგრძელა. 1953 წელს ის კინოსტუდიაში „ქართული ფილმი“ მიიღეს, ხოლო 20 წლის შემდეგ ის მისი დირექტორი გახდა.

მისი სადებიუტო ნაშრომი დოკუმენტალური ფილმი „ბორის პაიჭაძე“ (1953 წელი) იყო.  მის ფილმოგრაფიაში შედის ისეთი სურათები, როგორებიც არიან „ჩვენი ეზო“ (1956), „მაია წყნეთელი“ (1959), „ნერგები“ (1972), „ცხოვრება დონ კიხოტისა და სანჩოსი“ (1988). ჩხეიძის ყველაზე ცნობილ ნამუშევრად ფილმი „ჯარისკაცის მამა“ (1964) იქცა.

1966 წელს ჩხეიძემ საბჭოთა საქართველოს სახალხო არტისტის წოდება მიიღო, ხოლო 1980 წელს ის სსრ-ს სახალხო არტისტი გახდა.  2001 წელს რეჟისორს- თბილისის საპატიო მოქალაქის წოდება ერგო, ხოლო 2010 წელს კი – „მშვიდობის ელჩი“ გახდა.