Sotheby’s-მ ნიუ-იორკში გრანდიზოული აუქციონი გამართა, რომელზეც წარმოდგენილი იყო უდიდესი იმპრესიონისტი და მოდერნისტი მხატვრების ნახატები. ყველაზე ძვირადღირებული ტილო ჰოლანდიელი მხატვრის ვინსენტ ვან გოგის „ალისკამპის ხეივანი“ გახდა. ნახატი შეიქმნა 1888 წელს, საფრანგეთის ქალაქ არლში, სადაც მხატვარი პოლ გოგენთან ერთად მუშაობდა. მყიდველმა ხლოვნების ნიმუში 66,3 მლნ დოლარად შეიძინა. საინტერესოა, რომ ტილო 40 მლნ დოლარად იყო შეფასებული. აუქციონზე აგრეთვე 54 მლნ დოლარად გაიყიდა იმპრესიონისტი მხატვრის კლოდ მონეს „წყლის ლილიები“. აუქციონის კიდევ ერთი ტოპ-ლოტი გახდა პაბლო პიკასოს ნახატი „ქალი სავარძელში“, რომელზეც გამოსახულია მხატვრის საყვარელი ქალი ფრანსუაზა ჟილო. ფერწერული ტილო 29, 9 მლნ დოლარად გაიყიდა. სულ აუქციონმა 368 მლნ დოლარის შემოსავალი მიიღო.