მსოფლიო კინოგაქირავებაში გასულ კვირას გამოსულ ფილმში “შეშლილი მაქსი: მრისხანე გზა”, მაქსის როლზე ბრიტანელი მსახიობის, ტომ ჰარდის ნაცვლად, თავდაპირველად ჰიტ ლეჯერი განიხილებოდა.

„ყოველთვის, როდესც ლეჯერი სიდნეიში ბრუნდებოდა, ჩვენ ამ საკითხზე ვსაუბრობდით. მას ჰქონდა საოცარი ქარიზმა, მამაკაცურობა, ულევი ენერგია – ყველა ის თვისება, რაც აუცილებელია მთავარი გმირისათვის. მისი გარდაცვალებით, მსოფლიომ  უდიდესი ადამიანი დაკარგა“– განაცხადა ფილმის რეჟისორმა, ჯორჯ მილერმა.

ჰიტ ლეჯერი 2008 წლის 22 იანვარს, ნიუ იორკში, საკუთარ სახლში, გარდაცვლილი აღმოაჩინეს. რომ არა 28 წლის ასაკში მომხდარი ტრაგიკული შემთხვევა, მსახიობს მთავარ როლში ვიხილავდით ისეთ ფილმებში, როგორებიცაა: “Mad Max: Fury Road”და  “Suicide Squad”.

აქვე აღვნიშნავთ, რომ მთავარი როლის შემსრულებელ, ტომ ჰარდის, თავდაპირველად, ფილმის წარმატებაში ეჭვი ეპარებოდა, თუმცა კანის კინოფესტივალზე მოპოვებული წარმატების შემდეგ, მან საჯარო ბოდიში მოუხადა რეჟისორს ნაადრევი დასკვნებისათვის.