დღეს ზუგდიდის შალვა დადიანის სახელმწიფო თეატრში სპექტაკლის „დამსჯელი 14“ პრემიერაა. სპექტაკლი ადელ  ჰაკიმის პიესის მიხედვით, რეჟისორმა ბადრი წერედიანმა დადგა. მთავარ როლს მსახიობი ირაკლი სამუშია თამაშობს. სპექტაკლი 20:00 საათზე დაიწყება. „პიესა “დამსჯელი 14” გვთავაზობს ერთი ჩვეულებრივი, მაგრამ უკვე ომგამოვლილი, ადამიანის მენტალურ ტოპოგრაფიას. დასაწყისში ეს პერსონაჟი არც პოლიტიკურად ანგაჟირებული მოქალაქეა და არც დაუნდობელი, სასტიკი პიროვნება. ის ერთი ჩვეულებრივი, საკმაოდ ბანალური და ალბათ კონკრეტულ ღირსებებსაც მოკლებული ცოცხალი არსებაა.მოვლენათა თანმიმდევრობამ და ირგვლივ გამეფებულმა სისასტიკემ გამოავლინა ფანატიზმი, სიძულვილი, ანუ ის ბნელი ძალა, რომელიც აქამდე, შესაძლოა, უხილავად, მაგრამ მაინც არსებობდა მის სულში“, - აცხადებენ თეატრში.