ადვოკატი ჯიტა გულუა ზუგდიდის რაიონულ სასამართლოსთან 8 ივნისს გამართულ საპროტესტო აქციას გამოეხმაურა. მისი თქმით, ცოლის გაუპატიურებასა და ცემის  ბრალდებით დაკავებული დავით ჟორჟოლიანის ოჯახის წევრების განცხადებები იყო აბსურდული და რეალობას მოკლებული. „მინდა ყველას გასაგონად განვაცხადო, რომ რაც საზოგადოებამ მოისმინა, ეს იყო აბსურდული და ყოველგვარ  ზღავრს გადასული სიცრუე.  ყველას აქვს უფლება დამოუკიდებელი ექსპერტიზა ჩაიტაროს, მით უმეტეს, რომ მხარესთან საქმე გართულებულია. დარწმუნებული ვარ, ჩემი დაცვის ქვეშ მყოფი 18 წლის გოგონა სიმართლეს ამბობს, მასზე წარმოუდგენელი ძალადობა განხორციელდა“, – თქვა ჯიტა გულუამ. 8 ივნისს ზუგდიდის რაიონულ სასამართლოსთან საპროტესტო აქცია გაიმართა. ბრალდებულის დავით ჟორჟოლიანის ოჯახის წევრების თქმით, დაკავებული მოძალადე არ არის და სასამართლო დარბაზიდან მისი გათავისუფლება მოითხოვეს. ჟორჟოლიანის ოჯახი უკანონოდ მოპოვებული ექსპერტიზის დასკვნაზეც საუბრობს, რომელიც სასამართლომ მტკიცებულებად დაუშვა. „ჩემმა ძმამ მ.ხ. ცოლად გასული წლის თებერვალში შეირთო. აღმოჩნდა, რომგოგონა ქალიშვილი არ იყო და სახლში გაუშვა. ცოტა ხნის შემდეგ ჩემი ძმის წინააღმდეგ საქმე აღიძრა,  თითქოს მან ცოლთან გაუკუღმართებული სექსუალური კავშირი ძალის გამოყენებით დაამყარა. ვითხოვთ, რომ  ჩემს ძმას მოძალადის სტატუსი მოეხსნას, ისუდანაშაულოა“, – თქვა მაშინ დაკავებულის დამ ნესტან ჟორჟოლიანმა. დავით ჟორჟოლიანის წინააღმდეგ საქმე მიმდინარე წლის თებერვალში აღიძრა. ბრალის დამტკიცების შემთხვევაში, დაკავებულს 6 -დან 8 წლამდე თავისუფლების აღკვეთა ემუქრება. აქცია ზუგდიდის რაიონულ სასამართლოსთან