სოციალური საწარმოების შექმნისა და განვითარების პერსპექტივებზე იმსჯელეს დღეს ზუგდიდში ადგილობრივი ხელისუფლებისა და არასამთავრობო სექტორის წარმომადგენლებმა. გერმანული ორგანიზაცია ,,სამარიტელ მუშაკთა კავშირი“(ASB) „საქველმოქმედო ჰუმანიტარულ ცენტრ აფხაზეთთან“ და იძულებით გადაადგილებულ ქალთა ასოციაცია „თანხმობასთან“ პარტნიორობით ახორციელებს პროექტს „სოციალური საწარმოები: დევნილი და მასპინძელი თემების ერთობლივი ეკონომიკური აქტივობა დასავლეთ საქართველოს, კერძოდ ქალაქ ზუგდიდისა და ზუგდიდის მუნიციპალიტეტში, მათი სამშვიდობო კონსოლიდაციის მიზნით“. ამჟამად, პროექტის მესამე ფაზა მიმდინარეობს. ქალაქის საკრებულოს ადმინისტრაციის ცნობით, დღევანდელ შეხვედრაზე ადგილობრივი თვითმმართველობისა და სამოქალაქო საზოგადოების თანამშრომლობის გზით არსებული სოციალური სერვისების გაუმჯობესების პერსპექტივებზე ისაუბრეს. პროექტი გერმანიის საგარეო საქმეთა სამინისტროსა და საგარეო კულტურულ ურთიერთობათა ინსტიტუტის ფინანსური მხარდაჭერით ხორციელდება.