14-22 აგვისტოს ბოსნია-ჰერცოგოვინას დედაქალაქი სარაევო საერთაშორისო კინოფესტივალს უმასპინძლებს. ფესტივალის საკონკურსო პროგრამაში მოხვდა დათა ფირცხალავას მოკლემეტრაჟიანი მხატვრული ფილმი „მამა". CineLink კოპროდუქციის ბაზრობაზე კი 3 ქართული პროექტია წარდგენილი - თინათინ ყაჯრიშვილის „მანჯი" , რეზო გიგინეიშვილის „მძევლები" (საქართველოს და რუსეთის კოპროდუქცია) და იოსებ ბლიაძის „ოთარის სიკვდილი" (საქართველოს და გერმანიის კოპროდუქცია). ასევე, 15-დან 20 აგვისტოს ჩათვლით, სარაევოს საერთაშორისო კინოფესტივალის ფარგლებში ორგანიზებულ სექციაში "ახალგაზრდა ტალანტების პლატფორმა" მონაწილეობის მისაღებად, საქართველოდან გაემგზავრებაორი ქართველი რეჟისორები- კონსტანტინე კალანდაძე და შორენა თევზაძე. სექცია ითვალისწინებს სამხრეთ ევროპიდან და კავკასიის რეგიონიდან კინოპროფესიონალების შეკრებას,სადაც მათ საშუალება ექნებათ გაიზიარონ საერთაშორისო კინოექსპერტების გამოცდილება, დაესწრონ ვორქშოფებს, მონაწილეობა მიიღონ პანელ დისკუსიებში და განახორციელონ პრაქტიკული სამუშოები. სარაევოს ტალენტების პლატფორმის მიზანია ხელი შუწყოს ახალგაზრდა კინემატოგრაფისტების პროფესიულ განვითარებას, რათა ისინი გახდნენ ევროპული და საერთაშორიოს კინოინდუსტრიის ნაწილი, ასევე მიეცეთ უცხოელ კოლეგებთან ერთად ახალ პროექტებზე მუშობის საშუალება. ავტორი:საქართველოს კინემატოგრაფიის ეროვნული ცენტრი