შარლიზ ტერონი მეორე ბავშვის დედა გახდა. 39 წლის მსახიობმა, რომელსაც უკვე ჰყავს ერთ შვილი- ჯექსონი, გოგონა იშვილა. ეს მოვლენა გასული თვის ბოლოს მოხდა, მაგრამ საზოგადოებისთვის ცნობილი მხოლოდ ახლა გახდა. აფრიკული წამოშობის პატარას ავგუსტი ჰქვია. ჯერჯერობით ტერონის გოგონაზე ცოტა რამაა ცნობილი. მისი ბიოლოგიური მშობლები აფრიკიდან არიან, მაგრამ გოგონა მიმდინარე წლის ივლისში, აშშ-ში დაიბადა. ახალშობილი შარლიზის მეორე შვილია. შეგახსენებთ, რომ ვარსკვლავი 3-წლის ჯექსონს უკვე ზრდის. ის მან სამხრეთ აფრიკაში 2012 წელს იშვილი. მსახიობმა ავგუსტი შონ პენთან დაშორებიდან ერთი თვის შემდეგ აიყვანა. შარლიზი და შონი ურთიერთობის დაკანონებასაც აპირებდნენ და მედია ვარაუდობდა, რომ პენი ჯექსონს ოფიციალურადაც იშვილებდა. სამწუხაროდ, ეს ყველაფერი არ ახდა, რადგან წყვილის რომანი მოულოდნელად დასრულდა. მიუხედავად ამისა, ჩანს, რომ შარლიზის დედობრივ ამბიციებზე ამ ფაქტს გავლენა საერთოდ არ მოუხდენია.