რეცეპტის ინგრედიენტები(მზადდება 6–8ულუფა): 600 გრ. ტკბილი ალუბალი, ყუნწგაცლილი და უკურკო 2 სუფრის კოვზი (30გრ.) გამდნარი კარაქი 4 კვერცხი 1 ჭიქა (240მლ.) რძე 3/4 ჭიქა (100გრ.) ფქვილი ¼ სუფრის კოვზი მარილი ½ ჭიქა (100გრ.) შაქარი ½ სუფრის კოვზი ნუშის ექსტრაქტი (ან 3 წვეთი) ½ სუფრის კოვზი ვანილის ექსტრაქტი მოსართავად: შაქრის პუდრა მომზადების წესი: 1. წინასწარ გააცხელეთ ღუმელი 180°C-ზე. წაუსვით კარაქი 26 სმ. სიგანის მრგვალ საცხობ ლანგარს და მოაპნიეთ დაახლოებით 2 სუფრის კოვზი შაქრის პუდრა. 2. ჩააწყვეთ ლანგარში ალუბლები ერთ ფენად და ცომის მომზადებამდე გადადეთ. 3. გათქვიფეთ კვერცხი დარჩენილ შაქართან და მარილთან ერთად, შეურიეთ ფქვილი, დაამატეთ რძე, ვანილის და ნუშის ექსტრაქტები და თქვიფეთ კარგად შერევამდე. ბოლოს დაამატეთ გამდნარი კარაქი და მოურიეთ. მიღებული მასა ძალიან ჰგავს ბლინების გასაკეთებელ მასას. 4. დაასხით ეს ნარევი ალუბლებს და აცხვეთ 40–45 წუთის განმავლობაში, სანამ არ ამოფუვდება და არ გადაიბრაწება. 6. გააგრილეთ ცხაურზე რამდენიმე წუთით. მირთმევამდე მოაფრქვიეთ შაქრის პურდა. მიირთვით თბილი ან გრილი. წყარო:კულინარია