Windows 10 უკვე ხელმისაწვდომია. ახალ სისტემას ლამაზი და თანამედროვე დიზაინი აქვს და იოლად ასათვისებელია. ვინდოუს 10-ის სამუშაო მაგიდა და პანელი სავსეა აპლიკაციებით. მთავარი სიახლე კი ისაა, რომ ახალი ვინდოუსი უფასოა. კომპანია მაიკროსოფტის მოლოდინის მიხედვით, მომდევნო 2-3 წლის განმავლობაში, აღნიშნულ სისტემაზე, მილიარდი მოწყობილობა გადავა. ახალ ვერსიაში, უამრავი დეტალია გათვალისწინებული, რაც წინა ვერსიებს არ ჰქონდა. მაგალითად, როდესაც ერთდროულად ბევრი ფანჯარაა გახსნილი, ამ შემთხვევისათვის, ახალ სისტემას “ვირტუალური სამუშაო მაგიდის” დამატების ფუნქცია აქვს. მაიკროსოფტის ინფორმაციის მიხედვით, კომპანია არ აპირებს ვინდოუს 11-ის გამოშვებას. ვინდოუს 10 ოპერატიული სისტემების ბოლო წერტილია. შესაბამისად, მომხმარებელს არ მოუწევს სამწლიანი ლოდინი განახლებისათვის, ახალი ვინდოუსი ამას თავისითგააკეთებს. ახალი ვინდოუსის გადმოტვირთვა, ნებისმიერ მომხმარებელს იოლად და უფასოდ შეუძლია.