ნიკოლას სპარქსის გამორჩეული რომანტიკული დრამის „უბის წიგნაკი“ სატელევიზიო ვერსიაზე მუშაობა დაწყებულია. ტელეარხი CW სერიალს ნოკოლას სპარქსის ბესთსელერისა(1996) და 2004 წლის დიდებული ფილმის მიხედვით გადაიღებს. შეგახსენებთ რომ ფილმში მთავარ როლებს რეიჩელ მაკადამსი და რაიან გოსლინგი ასრულებენ. სერიალი ნოასა და ელის მეორე შეხვედრაზე მოგვიყვება, აღწერილი იქნება თუ როგორ ცდილობენ ახალი ცხოვრების დაწყებასა და მომავლის მოწყობას, ამ ყველაფერს კი ფონად რასისტული პოლიტიკა, ეკონომიკური უსამართლობები და მეორე მსოფლიო ომის შემდგომი პერიოდი ადევს. როგორც არხის უფროსი მარკ პედოვიტსი ამბობს, სერიალში არ აჩვენებენ იმ ნაწლის, რომელშიც წყვილი უკვე ხანშიშესულია და ელი ალცჰაიმერის საშინელი დაავადებით იტანჯება. მან ასევე აღნიშნა, რომ ბესთსელერების ავტორი ნიკოლას სპარქსი სერიალის პროდიუსერის როლს მოირგებს.