შვედი მსახიობი, რომელსაც, თამამად შეიძლება ითქვას, „შეუსრულებელი მისიის“ მეხუთე ნაწილში შესრულებულმა როლმა (ილზა ფაუსტი) წარმატება მოუტანა, მოლაპარაკების პროცესშია, და სავარაუდოდ, შეუერთდება DreamWorks-ის თრილერს The Girl on the Train. ფილმის რეჟისორი ტეიტ ტეილორია, მთავარ როლზე კი უკვე დამტკიცებულია ემილი ბლანტი, რომლის პერსონაჟი ცდილობს განქორწინების შემდგომ პრობლემებთან გამკლავებას ცდილობს, და ფანტაზიები აქვს ერთი შეხედვით იდეალური ოჯახური წყვილის შესახებ, რომელთა სახლის წინ ყოველდღე უწევს მატარებლით მგზავრობა. ცოტა ხნით ადრე ფერგიუსონის სახელი იქს-ადამიანების კიდევ ერთ ინსტალაციაში (Gambit), ქალის მთავარ როლთან დაკავშირებით ფიგურირებდა. თუმცა აშკარაა, არჩევანი პოლა ჰოუკინსის ბესტსელერის ეკრანიზაციის სასარგებლოდ გააკეთა. ამ ეტაპზე მსახიობის უკანასკნელი ნამუშევარია Florence Foster Jenkins, სადაც მან მერილ სტრიპსა და ჰიუ გრანტთან ერთად ითამაშა. ფილმი 2016 წელს გამოდის ეკრანებზე.