ვრცელდება ინფორმაცია, რომ ჰოლივუდის ვარსკვლავი, ჯენიფერ ენისტონი და მისი მეუღლე, ჯასტინ ტერუ ტყუპებს ელოდებიან. როგორც დასავლური გამოცემები იტყობინებიან, წყვილის ხელოვნური განაყოფიერების გაკეთების მცდელობები ბოლოს და ბოლოს წარმატებით დასრულდა და სულ მალე, მათ ტყუპები ეყოლებათ: „ამ დღეებში ჯენიფერმა ჯასტინს რომანტიკული ვახშამი მოუწყო და ორსულობის ტესტის დადებითი შედეგი ანახა. ტერუმ სიხარულისგან იტირა“, - ამბობს ინსაიდერი, მისივე თქმით, ჯენის გოგონები ეყოლება, რომლებსაც ლაილასა და ავას დაარქმევს. შეგახსენებთ, ენისტონსა და ტერუს შორის რომანი 2011 წელს დაიწყო, ჯასტინმა ჯენიფერს ხელი, 2012 აგვისტოში, საკუთარ დაბადების დღეზე სთხოვა, წყვილმა ცოტა ხნის წინ ჯვარი საიდუმლოდ დაიწერა. საქორწილო ცერემონია, წყვილის კალიფორნიაში მდებარე ვილაზე გაიმართა. ვარსკვლავებმა ქორწინება სამწლიანი ნიშნობის შემდეგ გადაწყვიტეს.