მარტვილში სახალხო - საეკლესიო დღესასწაული ჭყონდიდობა აღნიშნეს. ის საკათედრო ტაძარში საზეიმო წირვით დაიწყო, რის შემდეგ, წმინდა გიორგი ჭყონდიდელის ძეგლის გვირგვინით შემკობის ცერემონიალი გაიმართა. მოგვიანებით, ძეგლის მიმდებარე ტერიტორიაზე ფერწერული ნამუშევრები გამოიფინა, ხოლო ცენტრალური ბიბლიოთეკის ეზოში პოეზიის დღე მოეწყო. მთელი დღის განმავლობაში ქალაქის ცენტრში სხვადასხვა კულტურული და სპორტული ღონისძიებები მიმდინარეობდა. ასევე კოლხური ყოფის ამსახველი ეთნოგრაფიული კუთხეები მოეწყო, სადაც დამთვალიერებლებს მეგრული სამზარეულოს დაგემოვნება შეეძლოთ. გარდა ამისა, გაიმართა მარტვილის საპატიო მოქალაქეების დააჯილდოვების ცერემონია. სახალხო დღესასწაული მარტვილში გრანდიოზული კონცერტითა და ფოიერვერკით დასრულდება. ღონისძიების ორგანიზატორები არიან მარტვილის მუნიციციპალიტეტის გამგეობა და საკრებულო.