ჰარი პოტერის ისტორია უკვე დიდი ხანია დასრულდა, მაგრამ მწერალი ჯოან როულინგი კვლავ ახარებს თაყვანისმცემლებს მთავარი გმირისა და მისი მეგობრების ცხოვრებისეული ფაქტებით. რამდენიმე დღის წინ წიგნების სერიის შემქმნელმა ოფიციალური განცხადება გააკეთა და პოტერის ცხოვრების რამდენიმე დეტალიც გამოაქვეყნა. როულინგმა ჰარის წინაპრებზე საინტერესო ფაქტები მოგვიყვა. აღმოჩნდა, რომ ოჯახი მიეკუთვნება უძველეს გვარს და ის საფუძველს ლინფრედ სტინჩკობიდან იღებს. მისი წაკითხვა ნებისმიერ მსურველს უფასოდ შეეძლება! როგორც ცნობილია, ამბავი პოტერების ოჯახის ისტორიაზე მოგვითხრობს, რომელიც ჯერ კიდევ მე–12 საუკუნეში იწყება. ამგვარად, ნათელი მოეფინება ჯადოქარი ბიჭის ყველა წინაპარსა და გზას, რომელიც პოტერებმა ჰარიმდე გაიარეს. აქვე გაიგებთ, როგორ შეცვალა ოჯახის ბედი ჯეიმს პოტერის მამამ და როგორ იქცა უჩინმაჩინის მოსასხამი საგვარეულო რელიკვიად. ახალი ისტორია Pottermore-ზე გამოქვეყნდება. ამავე ვებგვერდზე განთავსდება ყველა სიახლე, რომელიც ჰარი პოტერის პრეისტორიაზე გადაღებული ფილმის (Fantastic Beasts and Where to Find Them) შესახებ გახდება ცნობილი. ასევე, წაიკითხავთ დეტალურ ინფორმაციას თეატრალური დადგმის (Harry Potter and the Cursed Child) შესახებაც.