ხანდაზმულთა საერთაშორისო დღესთან დაკავშირებით  ზუგდიდში ღონისძიება გაიმართა, რომელშიც ქალაქში მოღვაწე ხანდაზმულ ხელოვანთა და ახალგაზრდებით დაკომპლექტებულმა ფოლკლორულმა ანსამბლებმა მიიღეს მონაწილეობა.  ღონისძიებას ადგილობრივი ხელისუფლების წარმომადგენლებიც დაესწრნენ და მოხუცებს ეს  დღე მიულოცეს. ზუგდიდის მუნიციპალიტეტის გამგეობამ 94 მარტოხელა ხანდაზმულ ადამიანს ფულადი დახმარება 100-100 ლარი გადასცა. ადგილობრივი ხელისუფლების წარმომადგენლების თქმით, ისინი მზად არიან მათ მომავალშიც დაეხმარონ. ღონისძიებას გერმანული ორგანიზაცია „სამარიტელ მუშაკთა კავშირი“ და პარტნიორი ორგანიზაციები: საქველმოქმედო ჰუმანიტარული ცენტრი „აფხაზეთი“, იძულებით გადაადგილებულ ქალთა მოძრაობა „თანხმობა“ ახორციელებს. პროექტის მხარდამჭერია ზუგდიდის მუნიციპალიტეტის გამგეობა და მერია. ღონისძიების ორგანიზატორების განცხადებით, პროექტის მიზანია სოციალური საწარმოების შესაძლებლობების განვითარება და საზღვრისპირა თანამშრომლობის წახალისების გზით სამშვიდობო კონსოლიდაცია. გაეროს მსოფლიო ანსამბლეამ 1990 წელს 1-ლი ოქტომბერი ხანდზამულთა პრობლემებისთვის  მიძღვნილ დღედ გამოაცხადა. საქართველოში ამ დღეს 2003 წლის 27 სექტემბრიდან აღნიშნავენ.