რუბრიკები
ფერმერებს ზუგდიდში პროგრამა "დანერგე მომავალი" გააცნეს (ვიდეო)
ზუგდიდში სოფლის მეურნეობის პროექტების მართვის სააგენტოს თანამშრომლებმა ფერმერებს და ადგილობრივი თვითმმართველობის წარმომადგენლებს პროექტში "დანერგე მომავალი" შეტანილი ცვლილებები გააცნეს. შეხვედრა ზუგდიდის გამგეობის სააქტო დარბაზში გაიმართა.
პროგრამის მენეჯერის ლევან დოლიძის თქმით, პროექტის მეორე ეტაპის დაწყებისთანავე ცვლილებების შეტანა გახდა საჭირო, თუმცა, უცვლელი დარჩა სახელმწიფო დაფინანსების პრინციპი.
პროგრამაში შეტანილი ცვლილებების შემდეგ, ქვეყნის ყველა რეგიონში 5 ჰექტარის ნაცვლად მიწის მინიმალური ფართობი 1 ჰექტარით განისაზღვრა. ახალი დადგენილებით, ბენეფიციარს შესაძლებლობა ექნება პროგრამით რამდენჯერმე ისარგებლოს, თუმცა, დაფინანსება ჯამში 100 000 ლარს, ხოლო გაშენებული ბაღის ფართობი 20 ჰექტარს არ უნდა აღემატებოდეს. ასევე, რეგიონებს ინტენსიური ბაღების გაშენებისთვის ახალი კულტურები დაემატა. გარდა ამისა, დასავლეთ საქართველოში (გურია, აჭარა და სამეგრელო) თხილის კულტურის გაშენების შემთხვევაში მოიხსნა შეზღუდვა წვეთოვანი სარწყავი სისტემის სავალდებულო მოწყობის თაობაზე.
"კრიტერიუმების შეცვლის ძირითადი მოტივი იყო უფრო მეტ მოქალაქეს მიეღო პროგრამაში მონაწილეობა", - თქვა ლევან დოლიძემ.
სოფლის მეურნეობის ინიციატივით, სოფლის მეურნეობის პროექტების მართვის სააგენტომ პროგრამის "დანერგე მომავალი" განხორციელება თებერვლის თვიდან დაიწყო. მისი მიზანია, მრავალწლოვანი ინტენსიური ბაღების გაშენება და სანერგე მეურნეობის მოწყობა. აღნიშნული პროგრამის განხორციელებისთვის ორი წლის განმავლობაში 15 მილიონი ლარი დაიხარჯება. პროგრამის ფარგლებში დაგეგმილია 1 200 ჰა-ზე თანამედროვე ტიპის ბაღების და 30-40 ახალი სანერგე მეურნეობის გაშენება.
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
ინტერვიუ
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები