ზუგდიდში „უეფას“ სტანდარტების შესაბამისი ცენტრალური საფეხბურთო სტადიონის მშენებლობაზე მესამედ გამოცხადებული ტენდერი რამდენიმე წუთის წინ დასრულდა. მასში ორმა კოპმპანიამ: შპს „ლიტომის წარმომადგენლობა საქართველოში“ და შპს „დაგი“ მიიღო მონაწილეობა. შესყიდვის სავარაუდო ღირებულება 9`800`000 ლარს შეადგენს. შპს - „ლიტომის წარმომადგენლობა საქართველოში“ ქალაქის მერიას სთავაზობს, რომ სტადიონს 9`749`771 ლარად ააშენებს, ხოლო "დაგი“ - 9`747`000.00 ლარად. თუ რომელი კომპანია ააშენებს სტადიონს, ეს სატენდერო კომისიის სხდომის შემდეგ გახდება ცნობილი. საფეხბურთო სტადიონის მშენებლობაზე პირველად გამოცხადებულ ტენდერში რუსეთში რეგისტრირებულმა კომპანიამ შპს „ლიტომ“ მიიღო მონაწილეობა. ზუგდიდის მერიამ აღნიშნულ კომპანიას მაშინ უარი არასრულყოფილი დოკუმენტაციის გამო უთხრა. მეორედ გამოცხადებულ ტენდერში კი არც ერთმა კომპანიამ არ მიიღო და შესაბამისად ტენდერი არ შედგა. ზუგდიდში ,“ფიფას” სტანდარტების შესაბამისი ცენტრალური საფეხბურთო სტადიონი კომბინატის დასახლებაში უნდა აშენდეს. სამშენებლო სამუშაოების შესრულება სამ ეტაპად განხორციელდება: პირველი ეტაპი 2015 წლის 10 დეკემბრამდე დასრულდება, მეორე ეტაპის დასრულება 2016 წლის 10 დეკემბრამდე იგეგმება, ხოლო მესამე ეტაპისა – 2017 წლის 30 სექტემბრამდე. სტადიონის მშენებლობა „თბილქალაქ პროექტმა“ მოამზადა. მისი ღირებულება ჯამში 16 მლნ ლარს შეადგენს.