Gmail-ის ახალი ფუნქცია "smart reply" იყენებს ხელოვნურ ინტელექტს იმისთვის, რომ ელექტრონული ფოსტით მიღებულ წერილებს ყველაზე შესაბამისი პასუხები გასცეს. იმეილი შექმნილია იმისთვის, რომ ჩვენი ცხოვრება უფრო მარტივი გახდეს, თუმცა მომუშავე პერსონალისთვის ხანდახან ის დროის ნამდვილი კარგვაა, რადგან საათობით უწევთ წერილების წაკითხვა და პასუხის გაცემა. ჯიმეილი გუგლმა საზოგადოებას 2004 წელს წარუდგინა, თუმცა სტატისტიკური მონაცემების მიხედვით, მას სამუშაო პირობებში კვირაში 13 საათი მიაქვს. ამის გამოსასწორებლად ინტერნეტის გიგანტმა შექმნა Smart Reply, ის უზრუნველყოფს ზოგიერთ წერილზე მოკლე პასუხების გაცემას. ზოგ იმეილს სჭირდება გრძელი პასუხი, რომელიც გამოხატავს ადამიანური მზრუნველობას, ყურადღებას. არის წერილები, რომლებისთვისაც მოკლე პასუხები სავსებით საკმარისია. იმეილის საპასუხო ველში გამოჩნდება შესაძლო 3 პასუხი, რომელსაც იუზერი სურვილის მიხედვით აირჩევს. შესაძლებელი იქნება წერილის რედაქტირებაც. Google-ის თქმით, ჯიმეილის ახალი თვისება ამ კვირის ბოლოს ინგლისურ ენაზე იქნება ხელმისაწვდომი Android-ის და iOS-ის მომხმარებლებისთვის. უცნობია როდის ინტეგრირდება "Smart Reply" Gmail-ის კომპიუტერულ ვერსიაში. წყარო : goodnews.on.ge