აშშ–ის სახელმწიფო მდივანი ჯონ კერი და რუსეთის ფედერაციის საგარეო საქმეთა მინისტრი სერგეი ლავროვი უკრაინაში შექმნილ სიტუაციას პარიზში განიხილავენ. „ბიბისის“ ცნობით, მათი შეხვედრა დღეს გაიმართება. ტელეარხ „როსია 1“–ისათვის მიცემულ ინტერვიუში სერგეი ლავროვმა აღნიშნა, რომ რუსეთს უკრაინის ტერიტორიაზე სამხედროების გაგზავნის განზრახვა არ აქვს. თუმცა მან ისიც დაამატა, რომ რუსეთი მზადაა, უკრაინის რუსი და რუსულენოვანი მოსახლეობის უფლებები ნებისმიერი გზით, მათ შორის, დიპლომატიური, პოლიტიკური და იურიდიული მეთოდებით დაიცვას.