პარლამენტის პირველი ვიცე-სპიკერი მანანა კობახიძე აცხადებს, რომ თუ ვინმეს არეულობა ხელს აძლევს, ეს "ნაციონალური მოძრაობაა",რადგან მათ არ მოსწონთ, რომ ვანო მერაბიშვილი ციხეშია. კობახიძე, ამ განცხადებით შინაგან საქმეთა მინისტრს გამოეხმაურა და აღნიშნა, რომ "ნაციონალურ მოძრაობას" არ მოსწონს, რომ მათ მიმართ კითხვები არსებობს, არ მოსწონს, რომ პასუხისმგებლობის ქვეშ არიან ადამიანები, ვისაც კავშირი ჰქონდა დანაშაულთან. ,,ერთადერთი გზა, მათი თვალით დანახული, არის არეულობა. თუ ეს ასე აქვთ დაგეგმილი, ამას არავინ დაუშვებს. შს სამინისტრომაც და ყველა სამართალდამცავმა სტრუქტურამ ყველაფერი უნდა იღონოს იმისთვის, რომ მოხდეს პრევენცია, მოსალოდნელი არეულობის აღკვეთა, არანაირი არეულობა ქვეყანაში არ განმეორდება, არანაირი მაიდნის საქართველოში განმეორება არ მოხდება, რადგან ამის საფუძველი არ არსებობს", - განაცხადა ჟურნალისტებთან საუბრისას მანანა კობახიძემ. შეგახსენებთ, რომ შინაგან საქმეთა მინისტრმა ალექსანდრე ჭიკაიძემ გაზეთ ,,პრაიმტაიმისთვის” მიცემულ ინტერვიუში განაცხადა, რომ "ნაციონალური მოძრაობა" ევრომაიდნის სცენარს ამუშავებს.