NDI-ის წინასაარჩევნო დელეგაციის ხელმძღვანელის, საქართველოში ევროკავშირის ყოფილი წარმომადგენლის, პერ ეკლუნდის განცხადებით , საარჩევნო გარემოზე ზეწოლის შთაბეჭდილებმაც კი შესაძლოა, უარყოფითი გავლენა იქონიოს პარტიის აქტივისტებსა და ამომრჩევლებზე. ამის შესახებ ეკლუნდმა დღეს გამართულ პრესკონფერენციაზე განაცხადა, სადაც NDI-ის დელეგაციამ წინასაარჩევნო გარემოს შესახებ ანგარიში წარმოადგინა. ანგარიშში საუბარია თვითმმართველობის ორგანოებში არჩევნების შემდეგ დაგეგმილ კონკურსებსა და წინასაარჩევნო პერიოდში ოპოზიციის ზოგიერთ წარმომადგენელზე განხორციელებულ ძალადობაზე. NDI-ის დელეგაციის წევრები მიიჩნევენ, რომ ეს ორი ფაქტორი შესაძლოა, უარყოფათ აისახოს საარჩევნო გარემოზე. კერძოდ, ანგარიშში მოხვდა პარლამენტის წევრის, ნუგზარ წიკლაურის ცემა და გატაცების მცდელობა, ასევე თბილისის ყოფილი მერის, გიგი უგულავასთვის კვერცხების სროლა, მას შემდეგ რაც მან საკონსტიტუციო სასამართლოს შენობა დატოვა. "ერთიანი ნაციონალური მოძრაობა" აცხადებს, რომ ეს ინციდენტები წარმოადგენდა ზეწოლის სისტემატურ მცდელობას მათ კანდიდატებსა და მხარდამჭერებზე. წერილობით განცხადებაში "ქართული ოცნების" ლიდერებმაც განაცახადეს, რომ დაუშვებელია საზოგადოებაში დაგროვილი აგრესიის ძალადობრივი მეთოდებით გამოხატვა. საქართველოს კონსტიტუცია უზრუნვლეყოფს შეკრების თავისუფლებას, ამ უფლების განხორციელების წინააღმდეგ მიმართულ ნებისმიერ მცდელობას ხელისუფლების წარმომადგენლებმა შეთანხმებული ქმედებით უნდა უპასუხონ. საჯარო მოხეელებს, პარტიის აქტივისტებსა და კანდიდატებს უნდა მიეცეთ საშუალება, წინასაარჩევნო კამპანია ზეწოლისა და ფიზიკური ხელყოფის საფრთხის გარეშე განახორციელონ", - განაცხადა ეკლუნდმა.