რუსეთი, უკრაინაში 25 მაისს დაგეგმილ არჩევნებზე, დამკვირვებლებს არ გააგზავნის. განცხადება ამის შესახებ ჟურნალისტებთან საუბრისას რუსეთის პრეზიდენტის ადმინისტრაციის უფროსმა სერგეი ივანოვმა გააკეთა. კითხვაზე პასუხის გაცემისას აღიარებს თუ არა რუსეთის უკრაინაში ჩატარებულ არჩევნებს ივანოვმა განაცხადა: „ეს დამოკიდებულია იმაზე, თუ სად და როგორ გაიმართება არჩევნები". „მთავარია არა არჩევნები და არც ის თუ ვის აირჩევენ, არამედ ის თუ რა იქნება შემდეგ, როგორი იქნება საკონსტიტუციო რეფორმა. ლოგიკურად ალბათ უმჯობესი იქნება, ჯერ გაკეთდეს ისე, რომ ადამიანებმა, რომლებიც საარჩევნო ყუთებთან მივლენ იცოდნენ თუ რა ელით მათ მომავალში, არა ის თუ ვინ იქნება ქვეყნის სათავეში, არამედ ის თუ რა მოუვა ქვეყანას მომავალში",_ განაცხადა სერგეი ივანოვმა. რუსეთი დედაქალაქში ასევე აცხადებენ, რომ „ძნელია არჩევნები უწოდო ღონისძიებას, რომელშიც ქვეყნის მრავალი რეგიონი არ მონაწილეობს".