ცენტრალური საარჩევნო კომისიის მონაცემებით, დედაქალაქის 729 საარჩევნო უბნიდან 720 უკვე დათვლილია. რაც შეეხება პროპორციული სიით არჩევნების შედეგებს, თბილისის მასშტაბით 729 უბნიდან 717-ია დათვლილი. ბოლო მონაცემებით, “ქართულ ოცნებას” 45,9%-იანი მხარდაჭერა აქვს, მას მოსდევს “ნაციონალური მოძრაობა” 26,2%-ით, მესამე ადგილს კი “ბურჯანაძე - ერთიანი ოპოზიცია” იკავებს 10,4%-იანი მაჩვენებლით. რაც შეეხება მთელი ქვეყნის მასშტაბით არსებულ სურათს, ბოლო მონაცემებით, საქართველოს მასშტაბით არსებული 3 637 უბნიდან 3 440 უკვე დათვლილია. ცსკ-ის წინასწარი შედეგების მიხედვით, ქვეყნის მასშტაბით პროპორციული სიის მიხედვით ხმები შემდეგნაირად გადანაწილდა: “ქართული ოცნება” – 50,7%, “ერთიანი ნაციონალური მოძრაობა” – 22,3%, “ბურჯანაძე - ერთიანი ოპოზიცია” - 10,3%, “პატრიოტთა ალიანსი” – 4,7%, “ლეიბორისტული პარტია” – 3,5% და სხვა დანარჩენი პარტიები 8,5%.