საქართველოს თავდაცვის მინისტრის ირაკლი ალასანიას განცხადებით, საქართველოს კიდევ დასჭირდება გარკვეული წლები, რომ გახდეს მზად პოლიტიკური სისტემით, უსაფრთხოების ზომებით და თავდაცვისუნარიანობით, ნატო-ს წევრი. "ჩვენ ვსაუბრობთ შემდეგ ნაბიჯზე ინტეგრაციის, თუმცა ვთვლი და ვაშინგტონშიც გავაკეთე განცხადება, რომ ის რაც ხდება უკრაინაში, რუსეთის აგრესია და რეგიონალური უსაფრთხოების კონტექსტი, უნდა გვკარნახობდეს, რომ საქართველოსთან ძალიან მალე დაიწყოს გაწევრიანებასთან დაკავშირებული მოლაპარაკებები. ეს არის ჩვენი სურვილი", - განაცხადა ირაკლი ალასანიამ ჟურნალისტებთან საუბრისას. შეგახსენებთ, რომ ,,საზოგადოებრივ მაუწყებელთან“ ექსკლუზიურ ინტერვიუში ნატო-ს გენერალური მდივნის სპეციალურმა წარმომადგენლმა ჯეიმს აპატურაიმ განაცხადა, რომ მისთვის არც ერთ ქართველ მინისტრს არ უთქვამს, რომ საქართველო ალიანსში გაწევრიანებისთვის მზად არის.